آن الاوان ان نتغير (حملة انا مسلم)

بسم الله الرحمن الرحيم

(عايزين نحب دينا)

قصة شاب مغربى نقلتها لكم بالكلمة على لسان الشيخ محمد حسان اكرمه الله

فين فلان ماشاء الله

بقى ملياردير

خير

راكب فى اصانصير فى ناطحة من ناطحات السحاب فى امريكا مع مجموعة فالناس بدات تنزل

بقى هذا الشاب مع فتاة امريكية جميلة جدا لعدة ادوار

الولد ناظر فى الارض

البنت خائفة ان يؤذيها باى صور من صور الايذاء

والشاب ينظر فى الارض

والبنت خائفة

ولم ينظر اليها نظرة واحدة تعجبت

فالبنت خائفة خائفة جدا

ولم ينظر اليها ابدا

المهم

فعندما نزل كان يعمل فى مكتب فى احدى الشركات

نزلت البنت وراه

والشاب يجيد الانجليزية ووجهه منير وجه طاعة ما شاء الله

فقالت له

هو انا مش جميلة انا مش جميلة

قال

معرفش انا لم انظر اليكى

قالت ليه

هو انا مش جميلة ولا ايه

قال دينى يحرم عليا ذلك

قالت ليه مفكرتش تعتدى عليا بقبلة او باى صورة من صور الاعتداء اسال الله ان يسترنا

قال لا

اعوذ بالله اخاف الله

قالت اين الله اين الله الذى تخشاه الى هذا الحد

فبدا يكلمها كلمات قليلة

قالت دينك هذا الذى يمنعك ان تنظر اليا نظرة لا يمكن على الاطلاق

ان يسمح لك ان تفعل فعلا فيه لون من الوان الايذاء؟

قال نعم

وبين لها

قالت له تقبل ان تتزوجنى

قال انا مسلم

وما دينك

قالت ليست مسلمة

قال لا يجوز

قالت ادخل دينك هذا

ادخل دينك وتتزوجنى؟

قال نعم


قالت ماذا افعل

قال افعلى كذا وكذا

وجعله الله سببا فى اسلامها بعمل لا يخطر لنا على بال

فقط

غض البصر

هل يفكر احد من شبابنا فى هذا

شئ عجيب قيمة من اجل القيم

غض البصر

وتزوجته وسلمت له كل ما تملك

واصبح هذا الشاب يمتلك هذه الحسناء الجميلة

التى اصبحت فى ميزانه اعظم من حمر النعم كما قال المصطفى

وصدق الكريم المتعال حين قال

ومن يتقى الله يجعل له مخرجا ويرزقه من حيث لا يحتسب

اقسم بالله اقسم بالله

من اتقى الله سيرزقه من حيث لا يحتسب
______________عايزين نحب دينا_______________
دينا محتاجلنا يا شباب الاسلام

احنا الشباب

لغاية امتى هنقعد نقول ونقرا ونكتب بدون عمل يا احفاد رسول الله

رجاءا من اى كاتب لموضوع مثلا

عن الذكر

يكون مع الاستشهاد

وفى اخر الموضوع نقول على الاستفادة يعنى مثلا

نذكر الله فى اليوم 100 مرة

وكل يوم ندخل على الموضوع ونقول تم بحمد الله
______________عايزين نحب دينا_______________
لغاية امتى نقول اسلامنا سر حياتنا وعلى خطى الحبيب وفى نفس الوقت

نقول نعم للاغانى والكليبات والاغانى الاجنبية وافلام ومسلسلات معندهاش اى مبادئ دينية

بنقول اسلامنا سر حياتنا وعلى خطى الحبيب

واحنا سايبين الفرصة لاعدائنا يسيئوا للرسول

ازاى ازاى ؟

يا ترى رسولنا يستاهل كل دا مننا

يا ترى الرسول عليه الصلاة والسلام ودينا مايستاهلشى ان احنا نقف ندافع عنهم
________________عايزين نحب دينا________________
هدافع عنهم ازاى

وانا سايب صور فى توقيعى وفى صورتى الشخصية نهى عنها الاسلام

ليه مايكونشى توقيعنا بيدل على اسلامنا وننشر الاخلاق الحميدة بيه

وميزانا يمتلئ بالحسناات

بدل مااحنا عمالين ناخد فى سيئات كل ماحد ينظر للصورة

ليه؟

شوف كام واحد بينظر للصورة فى اليوم

ليه ليه كل دا؟

بنظلم نفسنا بالذنوب ليه؟
________________عايزين نحب دينا________________
ولغاية امتى

لغاية امتى هتقولى اسلامى سر حياتى وعلى خطى الحبيب وانتى بتلبسى ضيق ومش محجبة وبتكلمى شباب

سواء فى الجامعة او ع النت
________________عايزين نحب دينا________________
يا شباب احنا كدا بندى فرصة لاعداء الاسلام انهم يشمتوا فينا

هدفهم الوحيد هو (احنا)شباب الاسلام

لانهم لو قضوا علينا يبقى قضوا على الاسلام

احنا مش عايزينهم يقولوا شاب مسلم تعالى شوف الشاب المسلم

اخلاق ايه

بيسمع الاغانى اللى بنسمعها والافلام بتاعتنا و بيكلم بنات

والبنات متبرجة ومش محجبة كمان ولو اتحجبت كانها مش متحجبةوووو

ليه نسيبلهم الفرصة دى؟
________________عايزين نحب دينا________________
عايزين نصرخ ونقول لا لا لا الشاب المسلم اهو واحنا ورافعين راسنا

زى ما قولنا للعالم كله الشعب المصرى اهو

ايد واحدة

عايزينهم برده يعرفوا ونوصلهم ان المسلمين برده ايد واحدة

مش عايزين اسلامنا يكون ع الورق بس يا احفاد رسول الله

عايزين نكون ايد واحدة ننصر نبينا علشان باذن الله لما نقابله

منكونشى فى حياء منه

عايزين نقابله ونقبل ايده

ونقول رفعنا رايتك ونصرناك يا حبيب

يا شباب احنا حطينا ايدينا فى ايد بعض

وقولنا لا للظلم

غيرنا نظام الدولة كله

وما زال وطننا محتاجلنا مش عايزين تفكيك الرابطة

بالظبط زى ما ديننا عايزنا نكون ايد واحدة

عايزنا نتغير
________________عايزين نحب دينا________________
ليه بنقوم نصلى الصبح براحتنا خالص لما نقوم من النوم

ليه ما نصليش الفجر ليه؟

ليه يوم الجمعة نقف فى الشارع لما الشيخ يخلص الخطبة وبعدين تدخل تصلى الركعتين

ليه ماتسمعشى الخطبة

هتقول مش بفهم حاجة

شوف مسجد تانى وتالت واسمع

هو احنا هنحب ربنا ازاى والرسول عليه الصلاة والسلام ونكون عايزين نقتدى بيه ازاى

واحنا مش بنسمع عنهم

ليه؟
________________عايزين نحب دينا________________
القران الكريم

سالت نفسك انا امتى فتحت المصحف بعد رمضان؟؟؟

ليه مبنفتكرش كلام ربنا الا فى رمضان ولو افتكرناه كمان بنجيبه ونظفه

من التراب اللى عليه من الهجران

ليه كل دا

عايزين نقول كفاية ذنوب
________________عايزين نحب دينا________________
عايزين يكون شعارنا

احنا شباب الاسلام واحفاد رسول الله

لا نريد الجنة لكن نريد الفردوس الاعلى مع صحبة الحبيب
________________عايزين نحب دينا________________
تخيل لو احنا الشباب اللى رفعنا راية الاسلام مجتمعين كدا حول الرسول الله فى الجنة

وان شاء الله دا هيكون لو اتفقنا مع بعض اننا نعمل لنصرة الدين

_____________
يالا نقول كفاية ذنوب_________________

قولى يا اختى من الان
-------------
إعذرني فأنا إمرأة أخرى
لا تحبك ولا تهواك
لم تبيت تحلم برؤياك أو لقياك
إمرأة جادة لم تفكر فيك يوما حتى تنساك
إعذرني فأنا إمرأة أخرى
لا تجيد لغة الحب والغرام
إمرأة مختلفة غير نساء هذه الأيام
إمرأة تجيد أشياءًا عديدة
غير الأحلام والهيام
إعذرني فأنا إمرأة أخرى
لا تتكلم بلغة العشاق
الطريق إليها ليس مفروشا بالورود
ولكن بالأشواك
ليس صيدا تصيده أيها الجاهل بالشباك
إعذرني فأنا إمرأة أخرى
إمرأة أبية ليست كالأخريات
لا تهمها إبتسامتك ولا تسحرها أجمل النظرات
لا لن تستجيب لما تقدمه لها من مغريات
فهي ثابتة على قيمها كالجبال الراسيات

إمرأة اخرى

تعرف لخالقها قدره فلا تقع في الموبقات
لم تحلم بالحب يوما الا فيما يقربها للجنات
امراة لا تريد أن تحشر إلا مع الصالحات

لأني
إمرأة أخرى
________________عايزين نحب دينا________________

احنا والله فينا خير آه والله فيك الخير

لكن تريد من يشجعك على هذا
بدليل انك لما بتسمع درس يكاد قبلك يبكى ومش يكاد معظمنا بيبكى

وما سمى القلب قلبا الا من كثرة تقلبه
________________عايزين نحب دينا________________
يالا آن الاوان يا شباب ان احنا نشجع بعض ونقف ايد واحد

ونثبت بعضنا على الايمان

شبابنا اللى استشهدوا وهما بيحاربوا الفساد احنا مش اقل منهم

لازم ندافع عن حقوقنا وحقوقهم اما بالنصر او الشهادة دائما
________________عايزين نحب دينا________________
يالا نتفق ونقسم على ذلك؟؟؟

ولازم تعرف انك شاب الاسلام فان لم تتغير فمن يتغير

طيب ابدا

اقسم بالله ساظل ادافع عن الحق وعن الدين اما بالنصر او الشهادة
________________عايزين نحب دينا________________
و كل واحد فينا يقول فى ايده يعمل ايه الوقتى لنصرة الحبيب صلى الله عليه وسلم


ان كان تغييير صورة او الاصرار على عدم سماع الاغانى او او او .......

________________عايزين نحب دينا________________

اختى فى الله يالا حالا احذفى صورتك الشخصية وهاتى صورة حلوة كدا

وادخل وادخلى على صور جوجل واكتب تواقيع اسلامية حلوة

يالا نقول لا للاغانى لا للافلام لا للمسلسلات لا للبنات لا لا لا

نعم لنصرة دين الله والدفاع عن رسول الله

نعم لصلاة الفجر نعم لصلاة الجمعة

نعم للتواضع فمن تواضع لله رفعه

نعم للصدقة

عايزين نتفق على حاجات كتيرة

ونعم نعم نعم

لرضا الله والرسول صلى الله عليه وسلم
________________عايزين نحب دينا________________

ياريت يكون عدد المشاهدات مثل عدد الردود

قول رايك مهما كان

واخيرااا

هنكون ايد واحدة ونتفق هنعمل ايه ؟؟؟

ارجو التثبيت ان رايتم انه يستحق ذلك

_____________________________________________

جزكى الله كل الخير

علم اختى وستم التثبيت الموضوع غاية فى الروعة

محمد توفيق كتب:

علم اختى وستم التثبيت الموضوع غاية فى الروعة

جزاك الله كل خير

وشكرااا ع التثبيت

little princess كتب:

ماشاء الله توبيك جميل جدا
تقبل الله منكى يا اختى

شكرااا يا عسول دا بس من زوقك

شكراا لك

انتظروا بدء فعاليات هذه الحملة ان شاءالله

هنا

موضوع جميل
تسلمى

شكرااا جزيلا لكم جميعا

لكن المهم العمل يا شباب أمة محمد

اللهم اهدنا واهدى جميع شباب المسلمين واعنا واياهم على نصرة دينك يا الله

جزاكى الله كل خير

وجزاكى الله خيرااا منه اختى