انت و حبك و عمرك وقلبك
عمرك حبيت حد اوي ؟! عمرك بنيت كل احلامك لشخص عمره ما هيكون في يوم ليك ؟!
و اكتشفت انك واهم وانك رغم كده فضلت تحبه ؟!
طيب لما اكتشفت كده قدرت تبعد ؟!
ولا حاولت تضحك على روحك وتستنى ان القدر يرحمك ويميل شوية اليك .
فضلت تخدع في نفسك لحد ما القدر مال أوى بس مال عليك مش ليك ؟!
مش انت لوحدك ولا هتكون أول ولا آخر واحد يحصله كده .
بس انت ممكن تكون كسبان مش خسران !!
مش هاقولك ان جرح القلوب سهل ولا هحاول اخدعك لو قلت لك ان النسيان كمان سهل
لا قلبك هيطيب جرحه بسهولة ولا النسيان ممكن يكون الحل .
انت قدرت تتعرف على شيء فضل محبوس جواك سنين يدق و بس , لكنه مع الحب دق و
فرح
وحس و انجرح وطار من السعادة اوقات و اوقات كتير انكسر .
انت كسبت عقلك اللي اتخليت عنه وقت كتير و اكيد مش هاتستغنى عنه بعد كده ,لأن
قلبك مش
هيستحمل انكسار تاني .
انت كسبت عيون تقدر تقرأ بيها قلوب الناس مش بس تشوف ملامحهم .
انت خسرت قلب ما يستحقش حبك !!
خسرت عيون خدعتك طول الوقت !!
خسرت أيام من عمرك , لكن كسبت بيها باقي عمرك !!!
انت و حبك و عمرك و قلبك .
خسرت حبك !
وشوية من عمرك !
لكن لسه ما خسرتش قلبك ...