عالم سيمــــــــــا وأفــــــــــلام

عالم سيما وافلام
كله عاد اي كلام في كلام
ناس مكسله وناس فاضيه
فوقوا بقي قبل ما تيجي القاضيه
قلنا القرموطي وشباب الحزب العاطل
ما خلاص جواز عتريس من فؤاده مش باطل
احمد ذكي بيغني لحليم
وعمرو بياكل ايس كريم في جليم
قالوا حليهم بينهم كمان وكمان
ولا اتفرج علي مغامرات زكي شان

عالم سيما وافلام
كله عاد اي كلام في كلام

لا اعدام ميت ولا ابو جوده التخين
كل الناس بتتفرج علي ادرنالين
صاوي وفاخر وبدير في الكابريه
بس رمزي وسقا ومنير بيقولوا كده اوكيه
قالوا نقفل دكان شحاته
قلنا لهم افتحوا سنترال كلمني شكرا
قلنا كلها اساليب شحاته
وبعد كدا رصيدكم نفذ عفوا

عالم سيما وافلام
كله عاد اي كلام في كلام

مسلسلات تركي جابت الصداع
ازاي نتفرج علي رجا وليله في لحظة وداع
ناس حلوه وكويسه زي البنور
بنات حبت مهند وصعبت علي الولاد نور
زي ماتكون صحت جوانا الاحاسيس
لما نعيط علي سنوات الضياع ولميس

عالم سيما وافلام
كله عاد اي كلام في كلام

شوفنا قدري المنياوي والتجربه الدنماركيه
يسلام يا دوله في عريس من جهه امنيه
اتفرجنا علي بهجت الساحر
حتي كوريا قالت البيت دا طاهر
وعلاء لما عمل صلاح الدين الناظر
ومظهر برده بس صلاح الدين الناصر

عالم سيما وافلام
كله عاد اي كلام في كلام

شوفت كريم الباشا تلميذ
ومكي لما قال يو يو يو كله في اللذيذ
شوفنا تامر وشوقيه
وراجل وست ستات
واربعه في مهمه رسميه
والله علي فيلم غزل البنات

عالم سيما وافلام
كله عاد اي كلام في كلام

هانفضل طول عمرنا تايهين
واهو رزق الهبل علي المجانين
ايه رايكم بقي يا حلوين

تعالوا نتفرج علي التليفزيون
ما هوعالم سيما وافلام

مع تحياتي
Mr Horas
محمد الشيخ

لذيذ جدااا التوبيك ده
تسلم

lovestar كتب:: لذيذ جدااا التوبيك ده
تسلم

منوره بجد يا لوف
الف شكر يا قمر ع المرور والرد
تسلمي يا جميل

زائر

روعة يا محمد مزيد من التالق

محمد توفيق كتب:: روعة يا محمد مزيد من التالق

منورني يا حمام
بجد مرورك شرفني جدا
الف شكر يا حبي

بجد بجد كتير عجبتنى اوى
يسلم قلمك

روعـــــــــــــــــه
بجد جميل جدا
تسلم ايدك

» دمعة عالم ورسالة من ميته