اعتصام كلية تربية

السلام عليكم ورحمه الله وبركاته
ازيكوا يا كــــل فرق انجليزى ( عام واساسى )
اكيد كلنا خلاص فاض بينا وزهقنا من الظلم
مش كفايه بنخرج نقعد فى بيوتنا
كمان التعقيد فى الدراسه
طبعا كلنا عارفين الدكتوره الفاضله ( فاطمه عبد الحميد )
مين مننا ميعرفهاش
مين مننا متقرصش منها
مين مناا محلش لها كويس ميه الميه وشال الماده او اترفع فيها ؟؟؟
يعنى نعمل ايه نولع فى نفسنا ؟؟؟؟
الكتاب جبناه محاضرات اشترينا والمحاضرات وحضرنا
والامتحان وحلينا وفى النهايه ؟؟؟ يا ض يا ضجـ
هتقولوا ليا طب ما دا الطبيعى واتعودنا على كداا
هقولكوا لا كفايه بقى بجد كفايه حرااااااااااااااام
حرااااااااااااااام
انا ليا صحابى عادوا 3 بموادها وعادوها لتانى مره بموادها تانى
وليا ناس عادوا 4 بسببها وبقوا دور تانى
وانا لتانى مره بترفع اهو واصحابوا بيشتالوها خلاص كفايه
هنعمل ايه تانى ؟؟
لازم نقف ليها ونعرفها اننا مش هنسكت
انا لو لواحدى مش هعمل حاجه بس
لو بقينا ايد واحده صدقونى زى ما صوتنا اتسمع يوم التكليف
هنقدر نعمل زى ما عربى عملوا مع د/ الصاوى
صدقنى محتاجين خطوه جد بس
لازم كلنا نشارك
يوم الثلاثاء الموافق 26 / 4 / 2011 الساعه 12 فى الساحه الرياضيه ( المكان اللى اتجمعنا فيه يوم التكليف )
هنقف وننادى بحقوقنا وفى فريق هيطلع للعميد يعرفه اننا واقفين ومش هنمشى
ومش هنخرج بره تربيه لا هنفضل ثابتين فى مكانا لحد ما العميد يتفاهم معانا
وكل حاجه بالزوق بتتحل
هتقولوا ليا ليه عملت الميعاد بعيد كداا ليه ؟
هقولكوا عشان نلحق نجمع اكبر عدد مننا وصوتنا يكون مسموع
متاخدوش كلام باستهتار وتسمعوه تقولوا تمام لا كل واحد مننا له دور
انه يعرف اكبرعدد بالميعاد
ياجماعه عايزين خطوه ايجابيه بجد لازم كلنا نعرف
احنا عددنا مش قليل دا احنا 4 فرق عام و4 فرق اساسى
يعنى لواحدنا 8 فرق مش قليلين
انا هشارك وانت كمان لازم تشارك
صدقونى كل واحد له اهميه كبيره اوى
يوم السبت الجاى هتلاقوا ورق متعلق فى الكليه
وقتها هتعرفوا ان كان كلامى بجد
ووقتها ياريت تلتزموا بالميعاد والمكان
ومحدش يجى يقف يتفرج من بعيد
لا يا جماعه صدقونى بادينا نرجع حقوقنا اللى ضاعت دى

وحملتنا على الفيس بوك
ولسه طبعا جديده
محتاجين تفاعل منكوا اكتر لحد ما نوصل
https://www.facebook.com/home.php?sk=group_202818599748486&ref=ts#!/home.php?sk=group_202818599748486


منقول من تربية المنصورة

ربنا معاهم