???? زائر
| موضوع: كيف تطفشي بعلك في عشر خطوات؟ الأحد فبراير 20, 2011 4:36 am | |
| كيف تخسرى بعلك فى عشر خطوات
لو طاوعتينى و مشيتى بدقة على العشر نصائح دول
اؤكدلك انك هتخسرى جوزك فى 10 خطوات
طيب عاوزه تخسريه ليه
هى مش مسألة عاوزة هى مسألة بتعملى خطوات عشان تخسريه ومش مستعدة تتراجعى فيها فعايش معاكى على مضض على امل انك تتعدلى انما طبعا بما انك سيدة قرارك و مبترجعيش فى اللى بتعمليه كملى العشر خطوات و بلاها العيشة الغم دى لا
انتى مرتاحة ولا هو مرتاح
*
ثيرى غيرته و بالتالى شكه دايما اتزينى وانتى خارجه ووانتى فى البيت عاوزاكى دكررر تبقى ارجل منه ايوا كدا اتنين شنبات فى البيت اتكلمى فى التليفون طول ما هو فى الاوضه المجاورة و بصوت واطى و اول ما يجى ناحيتك اقفلى التليفون بسرعة وطبعا هيحاول يدعبس فى تليفونك عشان كتيبة الفيران اللى بتلعب هوكى فى صدره قومى امسحى قوايم السجل كلها و خليه ينط يلبس فى السقف لو بتشتغلى افضلى احكيله عن زمايلك اللى فى المكتب واستحسنى برفانتهم و قمصانهم و كرفاتتهم و دقنهم اللى بيحلقوها كل يووم لو بقى قاعدة ف البيت مش هوصيكى تغزلى فى كل رجالة العيلة بداية من ولا عمامك وخالاتك الخ الخ نهاية ببواب العمارة اللى انتو ساكنين فيها "قريب
هتمشوا منها اطمنى" متقعديش معاه بتاتا فى نفس الغرفه و اقعدى اسمعى شرايط حب و غرام وافلام رومانسية فى اى مكان تانى بعيد عنه و اذا جه يقعد معاكى اطفى الحاجات دى و ادخلى نامى حاولى ترسمى ابتسامة ناعمة على وشك وانتى نايمة ويستحسن لو تنادى على اسماء رجالى غيره غيرى اللوك بتاعك كل شويه و اذا سألك فى ايه " قوليله اصلى بحب التجديييييد " اسمعى كل المطربين الرجالهاللى هو بيكرههم و وكذلك الممثلين
طيب دى نقطة الغيرةثانيا
*
التجاهل عارفه الهوا طبعا عارفاه احنا عارفين ان الهوا موجود لكن لا بنمسكه ولا بنشوفه اهو دا بالظبط يبقى اسلوبك معاه التجاهل التاااام يقولك يا هانم كوباية شاى روحى اعمل لنفسك بس وامايقولك وانا قوليله نعم بتقول ايه مخدتش بالى طيب الميه عندك قوم صب لنفسك يرجع من الشغل بقى مفيش الدلع دا و يلاقى سفرة ممدودة و اكل جاهز لاء
لقمة جبنه فى التلاجة مع طمطمايه و دمتم عاوز ياكل ياكل مش عاوز هو حر و
عموما دا عصرالريجيم و عنده الدليفرى خليه يكععع مالكيش دعوة لا بغسيل ولا مكواة كل دى حاجات يقدر يعملها بنفسه بلاش يستغلك و يعاملك كخدامة يودى حاجته اللاندرى غسيل و مكواة مش عاوز هو حر
*
خالفى دايما حالته النفسيه اذا كان حزين اضحكى واذا كان مبسوط بوزى و عيشيه موود الاكتئاب
*
اياك اياك و مراعاة ظروفه الماليه هيحوش و يروح يتجوز عليكى عليكى بحفظ قائمة عاوزيين نجيب كذا و مالييش دعوة شفت عند اصحابى كذا وانا مش اقل منهم و الناس كلها بتجيب اشمعنا احناو بوزك يبقى اطول من كوبرى 6 اكتوبر لغاية ما ينفذلك رغبتك
*
اوعى تقدرى قيمته و الا تحسسيه انه صاحب فضل عليكى هيتمرع و يركب و يدلدل رجليه لو جابلك طلب قوليله ياما جاب الغراب و قللى دايمامن شأن اى حاجة بيعملها لا يفتكر انه مهنيكى ومستتك انتى
اصلا يا بنتى تستاهلى سيد سيده لولاش الحظ دا يحمد ربنا و يبوس ايده شعر و
دقن
*
مش هوصيكى بقى ان مفيش حاجة له اسمها خصوصية بقى دا اسمه كلام يعن قال يا مأمنه للرجال يا مأمنة للميه فى الغربال محفظته تبقى عارفه محتوياتها و اللى فيها يوم بيوم اتصنتى على مكالماته " كل شيىء فى الحرب مباح "وسجليها اكيد هتمسكى عليه كلمة كداو الا كدا تسودى بيها عيشته ولا تكتمى له سرا ولاتحفظى له عهدا تأكدى ان هو كمان لما بيخرج مع اصحابه بيقولهم كل اسرارك و عشان كدا اامن حد على اسرارك هو انتى وبس
*
اوصيكى اوصيكى بالاهتمام بالاعلام الاصفر فى كل خناقه و عركه ما بينكم متسبيش قاصى ولا دانى الا لما تحكيله عن عمايله السودا معاكى و تضيفى التحابيش االلازمه من ادعاء البراءة و المسكنة ووصفة باقبح الصفات و العن السلوكيات "اومال اتجوزتيه ليه"
*
سلاطة اللسان و دا مش طبق سلطة يا حبيبتى عارفاكى مؤدبة ولسانك ميطلعش منه العيبه انما للضرورة احكام نقرزيه دايما بالكلام اللى يسم البدن و يعلى الضغط و يجيب السكر و يفقع المرارة
*
المقاوحة خليه دايما فى حالة شد عصبى يقول يمين قولى شمال يقولك متعمليش اعملى متروحيش روحى اه لاء كدا عكس عكاس خليفه خلف الله خلف خلاف المحامى خليه دايما بيناهد لما نفسه يروح و يستسلم
*
اغضبى ع الاقل اغضبى مرة فى الاسبوع و عشان يرجعك تقعديلك اسبوعين يحايل فيكى اوعى ترجعيله كدا بسهولة لا يفتكرك مدلوقه عليه خليه يعرف مقامك يا غالية
ودى نصائح من مخلصة امينه كل هدفها البشرية تعيش في خير وسلامة
وعشان كمان تعيشى حياتك حرة متحررة طليقة و مطلقة
[ندعوك للتسجيل في المنتدى أو التعريف بنفسك لمعاينة هذه الصورة] |
|
king lear نائب المديرالعام
الجنس : كلية : Artes المزاج : Praise be to God العمل/الترفيه : Maestros sms : Help me to remember You, thank you, good your worship عدد المساهمات : 894 تاريخ التسجيل : 08/02/2011
| موضوع: رد: كيف تطفشي بعلك في عشر خطوات؟ الأحد فبراير 20, 2011 5:19 am | |
| ههههههههههههههههههههههههههههههههه يابنى ومين قالك اصلا اننا هنرتكب الخطيئة دى من اصله محلاها الحرية هع هع هع هع هعع تسلم ع التوبيك السعودى ده | |
|
???? زائر
| موضوع: رد: كيف تطفشي بعلك في عشر خطوات؟ الأحد فبراير 20, 2011 8:49 am | |
| |
|
سيمون عضو جديد
الجنس : كلية : تجارة المنصورة المزاج : قشطة بالمربى.. العمل/الترفيه : الاسكواش والسباحة العمر : 34 sms : لو قلبى بيشعرها لو عقلى بيقبلها ..حتما هتحققها عدد المساهمات : 24 تاريخ الميلاد : 02/05/1990 تاريخ التسجيل : 20/02/2011
| موضوع: رد: كيف تطفشي بعلك في عشر خطوات؟ الأحد فبراير 20, 2011 11:40 am | |
| هههههههههههههه معلومات حلوة يا محمد اهى تنفع برضةهههههههه | |
|
???? زائر
| موضوع: رد: كيف تطفشي بعلك في عشر خطوات؟ الأحد فبراير 20, 2011 12:16 pm | |
| |
|
ميما مشرف
الجنس : كلية : خدمه اجتماعيه المزاج : رايقه طول عمرى العمل/الترفيه : طالبه وبحب القراءه والرسم فى حد عندو مانع العمر : 33 sms : فى الحياه الاجتماعيه عدد المساهمات : 739 تاريخ الميلاد : 24/08/1990 تاريخ التسجيل : 07/02/2011
| موضوع: رد: كيف تطفشي بعلك في عشر خطوات؟ الإثنين فبراير 21, 2011 2:11 pm | |
| هههههههههههههههههههههههههههههههههههههههههههههههههههههههه خلاص باق انا هعمل بطريقه ديه هههههههههههههههههههههههههههههههه
| |
|