ماذا تريد من الرئيس القادم ،،، أدخل وقول رأيك

تشهد مصرالان منعطف تاريخي
بعد تنحي مبارك
فعلينا نحن الشباب ان نضع الشروط للرئيس القادم
حتي يتسني لنا تحقيق ما تنمناه
من مستقبل زاهر لمصر
قول رايك
في الرئيس القادم
والشروط التي لابد ان تتوفر فيه
وتحياتي للجميع

زائر

انة ربنا يوفقة ويعدل

يكون عادل ويحكم بالعدل ويشغل الشباب الللى مش لاقية شغل ونشتغل بشهادتنا وشكرا على التوبيك

اطلب منه ان يكون عادلا وعلى دراية كاملة بكل مايدرى داخل الوزارات وان يكون هناك رقابة مشددة على المصالح الحكومية لعدم تفشى الفساد مرة اخرى وايضا ان يكون منتجا له حلول على المستويات السياسية والاقتصادية
وفى اول دورة انتخابية يعمل على حل اهم مشكلتين البطالة بوجهيها البطالة والبطالة المقنعة ثم الجهل وتوعية المراحل التعليمية وان يكون هناك طالبا متخرجا ينفع ليس طالبا على ورق بس كفاية عليه كده
ميرسى على التوبيك

ان يكون رجل بمعنى الكلمه ان يكون راجل زو اخلاق ويحترم شعبها وانا يكون راجل قوى لا ينحنى الى القوى الاجنبيه ان يكون شخصيتها محبوبه يحب شعبها ويحب الامه العربيه ويكون عادل وليس ظالم ويكون له اهداف تحقيقى و يخدم شعبها ويجعل الناس سواسيا

أول حاجة يفرج عن المعتقلين سياسيا دون ذمب كلهم و يتقي الله في الناس .. ويحكم بالعدل زى ماكتاب ربنا بيقول

يراقب ويفتش ويشوف الوزراء ومجلس الشعب والشورى .. وميعتمدش على تقارير حد كتبها لة لا .. ينزل ويشوف بنفسة الحياة ع الواقع .. ولو في فساد يحاكم صاحبة مهما كان هو مين ومنصبة اية

يحافظ على خير البلد دي ويستغلة صح .. احنا دخل قناة السويس في الشهر الواحد 434 مليون دولار بيروحوا فين ؟ عارفين لو حسبناها بالجنية يعني كام ؟ يعني 2551920049.67 جنية طبعا فيكوا كتير اللى مش عارف يقرا الرقم زى حالاتى اول ماحسبتة .. يعني 2 مليار و 515 مليون و 929 الف و 49 جنية و 67 قرش ودة في الشهر بس لو ضربنا في 12 شهر بقي يعني سنة يطلع لنا الرقم العسل دة 30623040596.04 يعني 30 مليار و 623 مليون و 40 ألف و 596 جنية
متخيلين الرقم ؟ يعني دخل قناة السويس لوحدة يقعد ال 85 مليون مصري في البيوت وكل مواطن ياخد 6 الاف جنية كحد ادني لية في الشهر .. دة غير السياحة اللى بتدخل مليارات هى كمان .. وغيرة وغيرة
عارفين الجنية المصري بكام دولار ؟ ب 17 سنت .. زى 15 قرش يعني عارفين لية ؟ لان الوزراء عندهم غباء سياسي .. السايح لما ييجي عندنا يقولك يدفع بالدولار علشان يبقي كتير والسفن في قناة السويس نفس الحوار .. مع انك يامتخلف لازم تخلية يدفع بالجنية لان ساعتها هيحول العملة بتاعتة للجنية بتاعك وساعتها الجنية بتاعك هيبقي قد واكبر م الدولار واللى جابوة كمان ولو انت بتطلب منة دولار باعتبار الدولار ب خمسة جنية ونص قولة هات خمسة جنية ونص على طول وهو يحول الدولار للجنية بتاعك لكن التخلف بقي .... ولازم يهتم بالزراعة اللى احنا كنا من الدول الرائدة فيها بس طلعوا عين اهل الفلاح فاهمل فيها .

بعد مايحافظ على خير البلد كدا .. يهتم بالمواطن المصري وكرامتة .. اللى بيتة يجيلة قرار ازالة يجيبلة بيت جديد يقعدة فية .. والعاطل يشغلة ولو مفيش شغل يديلة بدل (( فلوس مثلا )) ويوزع السكان صح .. ازاى ؟ احنا عايشين في مصر على تقريبا 5 ف المية من مساحة مصر والباقي ولا كانة موجود دورة يبني فية بيوت ويوفر فية المياة والكهرباء والغاز وجميع الخدمات الصحية والدراسية والاجتماعية وكل سبل العيش وساعتها الناس هتروح تعيش هناك ويعملها بسعر مقبول يبقي النص علية والنص علينا مثلا .. هى اة هتكلف لكن البلد فيها فلووووووووووس كتير بس الرجالة الشطار بيسرقوها اول باول

حكومتة يختار منها ناس م الشعب ويفكة من حكومة رجال الاعمال اللى بيسخروا القانون في خدمتهم

يعين لكل اختصاص واحد لية علاقة بالمجال مش يجيب اسم كبير في حاجة مبيفهمش فيها

يهتم بالتعليم اللى وصل لدرجة الانحطاط .. م الحضانة للكلية .. اتحدي فيكوا حد بيتخرج ويفتكر حاجة م اللى درسة او حتى يشتغل باللى درسة وفضل طالع عينة وعين اهلة فية

يعمل علاقات قوية مع كل الدول العربية ويبقي لية دور ايجابي في مساعدتهم .. يقدم السبت دايما علشان يلاقي الاحد يوم مايحتاجة .. وعلاقاتة بردة بالدول الاوروبية كلها تكون علاقة ود وصداقة .. ودة هيخلى العالم كلة بيحبنا .. للاسف دة اللى كان مفروض يحصل دة احنا ام الدنيا

واخيرا .. اهم حاجة يسمح بمناخ كامل وتام من الديموقراطية .. اللى يتكلم ميروحش المعتقلات لا يتشال ع الراس ويتناقش معاة ولو كان يفيد البلد وصح يعملة .. والسجون تتطور عيب اوى المسجون يعمل حمام في جردل .. دى مش معاملة بني ادمين ياجدعان هو اة مذنب بس دى ابسط حقوقة كانسان .. ومع التطوير بقي يطور ف المدارس والجامعات والمنشئات ويهتم بالبلد ونضافتها ويعمل قانون فية غرامات ع اللى يخالفة وطبيعي لازم يوفر سلات الناس ترمى فيها فضلاتها مش يقول للناس مترموش ف الشارع وميحطش حاجة الناس ترمى فيها .. ويلغى فكرة التعذيب ف السجون ويهتم بحقوق الانسان

خلاص كدا .. ممكن اكون نسيت حاجات بس دول اهم حاجة ترفع من شأن اى دولة ف العالم وتخليها رائدة في كل شيء

أنا عارف أنى طولت بس مينفعش اختصر في حاجة زى دى .. وبالمناسبة ديون مصر لما مبارك تولى الحكم كانت 12 مليار دولار وبعد 30 سنة من حكمة بقوا 880 مليار دولار .. ربنا يكرمنا بقي ونعرف نسددهم على 100 سنة ولا حاجة اذا عرفنا يعني

وانك تشوف كم السرقة دة كل وزير معاة مليارات وقصور بالاضافة لثروة مبارك من 40 ل 70 مليار دولار + قصووووور كتيرة يدل ان البلد دى فيها خير كتير

وادينا حسبنا مع بعض دخل قناة السويس كام ف السنة

نايس توبيك .. شكرا

انا بطلب منه طلب واحد بس عشان انا مش طماعة
انه ما يسرقش
واتمنى من الله ان ما يكونش عنده ابن
وتكون كل اولاده بنااااااات
ومتشكرين ع التوبيك

و الله انا بتمنى انه يكون واعى لكل حاجة بتحصل فى البلد ميسبهاش لشوية حرامية و انه يحاول القضاء على الفساد فى كل نواحى الحياة فى مصر و يراعى ضميره مع الشعب ويتعامل بحضارية يعنى يحافظ على الديمقراطية و على حرية الشعب فى كل حاجة اهمها حرية الرأى و التعبير و انه طبعا يحقق مطالب الشعب فى حياة اجتماعيةعادلة و رفع مستوى المعيشة
يعنى ربنا يعين الرئيسالقادم و يأدى مهامه بنجاح

اولا بشكرك على الموضوع ده اما عن انى عيزه ايه من الرئيس القادم انو يحقق الى رفض غيرو يحققو ويكون عادل ويشوف مصلحت الشعب قبل مصلحتو الشخصيه وميفرقش بين ابن وزير او ابن عامل ويمنع الظلم ويرفعو عن الشعب ويحقق الامن لينا ويحقق احلام الشباب ويحافظ علينا Embarassed

» اتمنى وقول
» هل تريد فتاتك زوجتك فى الجنة ؟!!
» اين اخفى الرئيس السابق ملايينه؟