مساء\صباح الرضى والسعادة
في الفترة الاخيرة وخصوصا من ايام المظاهرات وموضوع تنحى الرئيس السابق
وانا ملاحظة حاجة مديقاني جدا
سواء هنا في المنتدى او في الفيس بوك
الموضوع اني لاحظت ان اغلب الناس معندهاش قدرة على تقبل الرأي والرأي الاخر
يعني طبيعي جدا ودا الشيء الصح اني اكون موافقة على فكرة او على حاجة معينة
متكونش اني موافق عليها
ومش عيب نتناقش ونتحاور مع بعض
والله اقتنعت بوجة نظري يا مرحبا
مش اقتنعت فإختلاف الرأي لا يفسد للود قضية
اهو اللي انا شوفتة ان اختلاف الرأي افسد للود قضية
ناس كتير تيجي تكلمهم او تناقشهم تلاقية حتي قبل ما يسمع كلامك للاخر
بدء يهاجم وطريقة كلامة مستفزة
وهو دا العيب والغلط
فياريت ياجماعة نتعلم ازاي نتقبل اراء بعض
وياريت برضة نفرق بين النقاش وبين الصداقة والاخوة اللي بينا
يعني مش معناة اني لا اوافقك الرأي يبقى بكرهك
وياريت كمان لما نيجي نتناقش
اللي بيتكلم يكون فاهم هو بيتكلم عن اية
مش يتبنى وجهة نظر من غير اسباب مقنعة ويطالبك بانك تقتنع بيها
لازم يكون لك حجة وانت بتتكلم علشان تقدر تجاري الحوار والنقاش
وبالنسة للمنتدى لاحظت اكتر من مرة حاجة استفزتني جدا
حد يدخل موضوع يقرء راس الموضوع
ويروح رادد علية واللي يدايق اكتر
لما يقول
انا قراءت الموضوع ومش كملتة لانة دايقني
طب رديت لية ؟ ودخلت لية الموضوع؟
ومش كملتة لية؟
فخلينا نتعلم حاجة من الفترة اللي عدت دي
نتعلم ازاي نتقبل وجهة نظر الاخر
ونتعلم ازاي قبل ما نتبنى وجهة نظر
نكون درسنها صح
وعارفينا صح
علشان نعرف نتكلم صح
دمتم بحفظ الرحمن
موضوع ايمان محمود
الثلاثاء فبراير 22, 2011 4:23 am
المزاج
العمل/الترفيه
sms
