ياعينى عليك ياقلبى

عينى عليك يا قلبى
شايل كتير وساكت
بتداوى للناس جروحها
والناس قلوبها ماتت
بتشيل فى هم غيرك
وبتبكى دموع عليه
وهو يمص خيرك
ولا يوم بتهون عليه
تزعل على ناس بتزعل
وتقول ياريتهم بدالنا
وان يوم لقوك فى ورطه
يقولو واحنا مالنا
سايب مشاكلك انت
وفى هم غيرك تفكر
ما تقولى لحد امتى
صدقنى معنتش اقدر
على همى وهمهم
مع انى بحبهم
بس بقول يا ريت
تفكر فى نفسك اكتر
خلينا بعيد يا قلبى
خلينا لوحدنا
خلينا نعيش حياتنا
وندوق باه فرحنا
كل الناس بتعمل
انها دايبه فى هوانا
ويوم مانكون فى حيرة
ولا حد بيبقى معانا
بتلاقى الناس بتبعد
والكل بيجرحك
اكنه عمرة ما شافك
اكنه ما يعرفك
وكلامهم يباه جارح
وقلوبهم ظالمه واسيه
ويهون عليهم جرحك
وتباه لخيرنا ناسيه
ما هما الناس يا قلبى
فى جراحها تبوس ايديك
وفى يوم جرحك يا قلبى
تلاقيها تدوس عليك
وكانك انت مجرد
شخص تافه وحشرة
وتسامح وهو يجرح
مرة واتنين وعشرة
الطيبه غابت خلاص
والكرة ساد وانتشر
والحب والاخلاص
باو حاجه مش فى البشر
مع ان الصدق تاه
والحب شىء مش باين
والناس كلها مش وحشه
بس اكترها خاين

نااااااايس جدا
تسلم ايدك

جميل سكاى
تسلم

جميل جدا
تسلم ايدك سكاى

يسلموووووا مروركم

كلام جمييييييييييييييييييييييييييييييييييييييل تسلم الايادى

ميرسى بوسى على المرور

» معلش ياقلبى ظالمك معايا